< : Yfirlit Orða : Hugamyndir : Yfirlit : Woc : >

MótMæli

Vinnuvélar eins stórar
og hótel
gnæfðu albúnar
til atlögu
gegn helgistöðum landsins

Titrandi dögg
á einstæðum stað

Þær stóðu við gættir
hins mikla þings
sem eitt sinn var
vinnustaður þeirra
er lýðræðið virtu

Formæður landsins
ævafornar rúnum ristar visku innsæis blíðu
Stóðu af sér voðaveður
og aðkast þeirra
er tungum tvennum tala
Sungu um holtasóleyjar og blóðberg

Þegar heyra mátti fyrstu sprengingarnar
og finna dyn hinna miklu véla
Þá féllu tár í þurrann svörð malbiksins

Við bakdyr þingsala
fann ég spaðagosa á hvolfi